П.И.Чайковский ЩЕЛКУНЧИК

Үнэлэмж
(1 Үнэлгээ)
П.И.Чайковский ЩЕЛКУНЧИК

ЩЕЛКУНЧИК

Хоёр бүлэг, гурван үзэгдэлт балет

 

Ерөнхий мэдээлэл

  • Хөгжим: П.И.Чайковский
  • Цомнол: Мариус Петипа
  • Удирдаач: Н.Туулайхүү УГЗ
  • Хөрвүүлэн тавьсан: Феодонин
  • Хореграфи: Вайнонен
  • Ерөнхий зураач: А.Морозов
  • Хувцас дизайнер: Г.Оюун
  • Анх тайзнаа: 1892-12-06-нд Петербургийн Мариинский театрт анх тоглосон
  • Манай тайзнаа: 1982-5-08-нд тоглож, УГЗ Ч.Жамсранжав удирдсан

Жүжгийн үйл явдал 18-р зууны сүүлчийн Германы нэг жижигхэн хотод болно. 

 

 

  • ДҮРҮҮД:
  • ЭХЛЭЛ
  • НЭГДҮГЭЭР БҮЛЭГ
  • ХОЁРДУГААР БҮЛЭГ
  • ГУРАВДУГААР БҮЛЭГ
  • ТӨГСГӨЛ

Маша /жижиг/                                                                                                                                               

Маша /гүнж/                                                                   

Хан хүү                                                                        

Дроссельмейр                                                                 

Хулганы хаан                                                                 

Аав                                                                                

Ээж                                                                             

Эмээ                                                                              

Өвөө                                                                         

Асрагч                                                                           

2 цасан охин                                                      

Хятад                                                                       

Испани                                                                

Па де труа                                                              

Гоцлоочид                                                                

 

 

Зочид ирсээр байна. Хамгийн сүүлд х хүүхэд бүхний хүндэтгэн хайрладаг Дроссельмейер ирнэ.

Хүүхэлдэйн алдарт мастер энэ хүн, өөрийн хийсэн хөдөлгөөнт хүүхэлдэйнүүдийг   авчирна.

Сүлд модны наадам. Гэрийн эзэд болон зочид, Дроссельмейерыг тэсч ядан хүлээнэ. Түүнийг ирүүт, цугларсан хүүхдүүдийг зочдын өрөөнд оруулж ирэв. Баяр эхэлж, том багагүй бүгд хөгжилдөн бүжиглэнэ. Дроссельмейер үлгэрийн ид шидтэн мэт, хүүхэлдэйнүүдээ „Амилуулан" бүжиглүүлнэ.

Тэдний дунд Хан хүү, үзэсгэлэнт охиныг харгис хулгана хааны гараас хэрхэн аварч байгааг харуулсан хэсэг, бүхний сонирхол татав. Гэнэт Дроссельмейер самар цөмөгч хүүхэлдэй Шелкунчикийг авчирлаа. Шелкунчикийн зэрэмдэг дүр төрх, хүүхдүүдэд огтхон ч таалагдахгүй боловч Машад яагаад ч юм бэ энхрий дотно санагдана. Машагийн ах дүрсгүй хүү, Шелкунчикт дургүйцэн түүний толгойг нь тасалж орхив. Дроссельмейер хүүхэлдэйг засч Машад өглөө. Орой болж зочид   явцгаав.

Асрагч эх, Машаг өрөөнд нь оруулж, тайван унтахыг ерөөгөөд гарч явав. Маша удалгүй нойрссон боловч, баяр дээр үзэж харсан бүхэн нь түүнд гүн их сэтгэгдэл төрүүлсэн тул зүүд болон үзэгдэнэ. Зүүд:

Аймшигт хар хулганууд, сүлд модыг нь дээрэмдэн тонохоор дайрахад, эр зоригт Шелкунчик өөрийн дайчин эрсийг уриалан дуудаж, хулганы хааны их цэргийг ялан дийллээ. Шелкунчикийг ой гутам дүр төрхтэй болгон хувиргасан шидэт хар хүч, сарнин арилж, гоо сайхан Ханхүү болон хувирахад Маша ч үзэсгэлэнт гүнж болон хувирав. Ханхүү гүнжийг дагуулан цасан охид амьдардаг шидэт ертөнцөд авчрав.

Амтат зүүд үргэлжилсээр. . .

Алсад үлгэрийн далай харагдлаа. Маша, хан хүүгийн хамт, түүний эдлэн газарт хөвөж ирэхэд, харгис хар хүчний үлдэгдэл болсон сарьсан багваахайнууд манай баатруудад саад хийхийг оролдоно. Шидэт дохиур багваахайнуудыг үлдэн хөөв. Үлгэрийн орныхон Маша, хан хүү хоёрыг баяр хөөртэй угтан тосч, баясгалант бүжгүүдээ хийцгээлээ.

Өглөө.

Машагийн унтлагын өрөө. Асрагч эх нь аажимхан орж ирээд цонхны хөшгийг нээхэд, өглөөний нарны тунгалаг туяа охиныг сэрээв. Маша үлгэрийн сайхан зүүднээсээ салж ядна. Асрагч эх, хүүхэлдэй Шелкунчикийг элгэндээ чанга тэврэн суугаа, энхрий жаахан охиноо гайхан харж зогсоно.

Зохиогчийн эрх © 2015 он
Сайт эзэмшигч Монгол Улсын Дуурь Бүжгийн Эрдмийн Театр