Г.Батчимэг

МУСТА

Балетын тэргүүн гоцлооч Ганзоригийн Батчимэг нь 1996-2003 оны хооронд Хөгжим Бүжгийн Коллежийг Балетын жүжигчин мэргэжил, 2005-2009 оны хооронд СУИС-ийг Ардын жүжигчин, Төрийн соёрхолт Б.Жамъяндагва багшийн удирдлаган доор Бүжгийн жүжгийн найруулагч, багш мэргэжлээр тус тус суралцаж төгссөн. 2003 онд Францын нэрт бүжигчин Клен Катены модерн бүжгийн сургалт. 2003 оноос эхлэн ДБЭТ-ын Балетын тэргүүн гоцлол бүжигчнээр ажиллаж байна.

НАЙРУУЛАН ТАВЬСАН УРАН БҮТЭЭЛҮҮД:

2009 онд П.И. Чайковский “Франческо Да Римини” балетыг ДБЭТ-ын тайзнаа найруулан тавьсан.

2015 онд П.И. Чайковский “Франческо Да Римини” балетын тавилтыг шинэчлэн үзэгчдэд Модерн балет хэлбэрээр ДБЭТ-ын тайзнаа найруулан тавьсан.

2015 онд “Дөрвөн өнгө” балетыг шилдэг залуу дөрвөн найруулагчдын нэг болон хамтран дэглэсэн.

2016 онд “Цасан гоо ба долоон одой” хүүхдийн балетыг дэглэн найруулсан

2019 онд “ LEGEND” төслийн бүжиг дэглээчээр тус тус ажилласан.

БҮТЭЭСЭН ДҮРҮҮД:

П.И.Чайковский “Хунт нуур” балетын Одиллия, жижиг хун, том хун

П.И.Чайковский “Шелкунчик” балетын Маша

П.И.Чайковский “Франчиска да Римини” балетын Франческа

А.Адан “Жизель” балетын Жизель, Мирта

Л.Минкус “Дон Кихот” балетын Китри

А.Хачатурян “Спартак” балетын Эгина

Л.Делиб “Копелия” балетын Сванильда

Ф.Шопен “Шопенина” балетын 11-р вальс, Мазурка

Л.Минкус “Пахита” балетын Гран па, Па-де-де

Б.Асафьев “Бахчисарайн ориглолт булаг” балетын Мария, Зарема

М.Фокина “Шехерезада” балетын Гульнара

“Sentiment” модерн балет

“Цасангоо ба долоон одой” Унтаахай

Хьюго Вера “Диваажин энд байна” модерн балетын гол дүр

“Бие үгүй” модерн балет

“Лежинд” модерн балетын Бэр цэцэг

“Смеральдо” - Па-де-де

“Корсар” - Па-де-де

“Парисын дөл” - Па-де-де

“Диано актион” - Па-де-де

“Чинзано” - Па-де-де

Э.Чойдог “Чойжид дагина” балетын Чойжид дагина

Ж.Мэнд-Амар “Үйлийн гурван толгой” балетын Насалмаа, Хоролмаа

А.Батдэлгэр “Гэсэр номуун хаан” балетын Алунгуа

А.Батдэлгэр “Тэнгэрийн ташуур” балетын Илдико

Ж.Чулуун “Уран хас” балетын Хандармаа

“Цөмөөхэй” – Цасны хатан

З.Хангал “Эрдэнэсийн охид” балетын Мөнгөн дагина зэрэг дэлхийн сонгодог болон үндэсний балетын жүжгүүдэд гол болон туслах үрүүдийг мэргэжлийн өндөр түвшинд бүтээсэн чадварлаг уран бүтээлч юм.

ТЭМЦЭЭН УРАЛДААН:

2001 онд БНБУ-д зохион байгуулагдсан ОУ-ын балетын “Варна”-ийн тэмцээнд амжилттай оролцсон

2006 онд ОХУ-ын зохион байгуулагдсан балетын жүжигчдийн фестивальд амжилттай оролцож “Шилдэг залуу бүжигчин” шагнал

2007 онд МУ-д зохион байгуулагдсан “Алтан хараацай” ОУ-ын бүжгийн тэмцээнд “Гуравдугаар байр”-ын шагнал

ОРОЛЦСОН ТОГЛОЛТ:                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                        

2004 онд БНХАУ-ийн “Монгол туургатны наадам”-д урилгаар оролцсон

2012 онд Япон улсын Токио хотноо “Хаврын баяр” тоглолт

2013 онд БНХАУ-ын Тяньжин хотноо “Шелкунчик” балетыг тоглосон

2016 онд ОХУ-ын Новосибирсик хотноо “Орос Монголын хамтын ажиллагаа” тоглолт

2019 онд БНСУ-ын WISE балетын театрын жүжигчидтэй хамтарсан “Жизель” балетыг тоглосон

2019 онд Данийн Вант улсын хааны балетын тоглолтод Монгол улсаа төлөөлөн оролцсон

ШАГНАЛ УРАМШУУЛАЛ:

2005 онд УДБЭТ-ын “Шилдэг уран бүтээлч”

2006 онд БСШУСЯ-ны “Хүндэт жуух бичиг”

2007 онд “Соёлын Тэргүүний Ажилтан” цол, тэмдэг

2017 онд “Алтан гадас одон” зэрэг шагналуудыг хүртсэн чадварлаг уран бүтээлч юм.